Fjárhagsleg endurskipulagning og gjaldþrotaréttur
Sérfræðingar LOGOS í fjárhagslegri endurskipulagningu og gjaldþrotarétti veita sérhæfða ráðgjöf, hvort sem um er að ræða greiðslustöðvun eða gjaldþrotaskipti, frjálsa eða þvingaða nauðasamninga eða hvers kyns aðra skuldaaðlögun.
LOGOS hefur einnig tekið að sér hagsmunagæslu fyrir lánadrottna gjaldþrotabúa og fyrirtæki í greiðsluvanda.
Ráðgjöf LOGOS á þessu sviði tekur til samningagerðar, breytinga á rekstrarformum, uppgjöri viðskipta, lausn deilumála, munnlegs málflutnings, skattalegum afleiðingum breytinga og annarra þátta sem reynir á við gjaldþrot og fjárhagslega endurskipulagningu.
LOGOS hefur náð góðum árangri í ráðgjöf við stóra og smáa aðila í greiðsluvanda sem og kröfuhafa slíkra aðila, svo sem banka, eignarhaldsfélög, skipafélög, lyfjasamsteypur og lífeyrissjóði. Sérfræðiþekking, stærð og sveigjanleiki LOGOS tryggir að hæfilegur fjöldi starfsmanna getur sinnt því verkefni sem liggur fyrir hverju sinni, innan þess tíma sem nauðsyn krefur. Að þessu leyti nýtur LOGOS sérstöðu á íslenskum markaði og er því ákjósanlegur kostur þegar leita þarf ráðgjafar vegna fjárhagslegrar endurskipulagningar eða gjaldþrotaskipta, hvort sem er fyrir fyrirtæki í greiðsluvanda eða kröfuhafa þeirra.
Samkvæmt álitsgjöfum matsfyrirtækisins The Legal 500 veita lögmenn LOGOS bæði skuldurum og kröfuhöfum framúrskarandi þjónustu.
- The Legal 500„LOGOS has substantial practice in Iceland. They are unique in the depth and breadth of their practice. They are well connected in the business and political communities and are excellent colleagues to work with.“
Tengdar fréttir og greinar
Óumhverfisvæn þrotabú
Velta má fyrir sér hvers vegna ekki sé búið að bæta inn nýju ákvæði í lög um gjaldþrotaskipti sem heimila skiptastjóra að móttaka kröfulýsingar og fylgiskjöl rafrænt.
Fyrsta flokks umsagnir frá The Legal 500
Alþjóðlega matsfyrirtækið The Legal 500 hefur birt niðurstöður sínar fyrir árið 2023. LOGOS áfram á toppnum.
Skipunarferli skiptastjóra og aðfinnslumál
Lögmannablaðið tók viðtal við Bjarka Má Magnússon, lögfræðing á LOGOS, þar sem farið er yfir skipunarferli skiptastjóra í þrotabúum og aðfinnslumál.