LOGOS rekur sögu sína allt til ársins 1907 þegar Sveinn Björnsson opnaði fyrstu málflutningsskrifstofu landsins. Á þeim hundrað árum sem liðin eru hefur mjög margt breyst. Þau grunngildi sem þessi athafnasami lögmaður, og síðar forseti, hafði að leiðarljósi eru þó enn óbreytt. Heiðarleiki, fagmennska og metnaður og af þeim grunni rís velgengni LOGOS.
LOGOS stefnir að því að halda áfram ótvíræðri forystu á sviði lögmannsþjónustu fyrir atvinnulífið, bæði hér heima og erlendis. Stærð stofunnar er þar lykilatriði sem og miðlun upplýsinga og reynslu milli starfsmanna auk markvissrar uppbyggingar erlendis. LOGOS er í samstarfi við lögfræðistofur um heim allan, aðallega í gegnum Lex Mundi, stærstu samtök lögmannsstofa í heimi. Þannig er LOGOS best í stakk búin til að hjálpa viðskiptavinum sínum að ná markmiðum sínum hvar í heiminum sem er.
LOGOS kappkostar að deila upplýsingum og miðla af þeirri reynslu sem skapast við lausn verkefna stofunnar. Fagþekking er hámörkuð með öflugu hópstarfi og kappkostað er að hagnýta alla helstu gagnabanka á sviði lögfræði. Markvisst er unnið að því að tryggja það að LOGOS sé ávallt í fararbroddi í þjónustu við viðskiptalífið.
Þessi grein birtist í maíhefti The Lawyer.
Smellið hér til að lesa greinina.
|
|
|
|
|
|
|
